Qixxaawoommo?
Songote Ledo Mitteenni Soqqamate Qixxaawoommo?
Aane noore assittoro, cuuaminokki halashshaancho ikka dandaatto:
Ganyite Qullaawa Maxaafa xiinxallattoha, huuccatto assiꞌrattohanna songote gambooshshe haꞌrattoha ikkiro.
Rossanni nootto roso baxattohanna ammanattoha hattono wolu mannira kula hasiꞌrattoha ikkiro.
Yihowa baxattohanna iso baxxannori ledo jaalooꞌmattoha ikkiro.
Poletiku woy kaphu ammaꞌno dirijjitta baalante giddonni fuloottoha ikkiro.
Yihowa seeri garinni heeꞌrattohanna Yihowa Farciꞌraasincho ikka hasiꞌrattoha ikkiro.
Songote ledo mitteenni soqqamate qixxaawoommo yite hedattoha ikkiro, Qullaawu Maxaafi rosiisaanchikki ikkado ikka dandaatto gara cimeeyyete ledo xaaddine hasaabbinanni gede assa dandaanno.
Cuuamate Qixxaawoommo?
Konni woroonni noore assittoro, cuuamate qixxaawoottoha ikka dandaatto:
Cuuaminokki halashshaancho ikkittoro.
Wolqakki assitu deerrinni ganyite sabbakate looso loosattoha ikkiro.
“Ammanaminohunna wodanaamu borojjichi” ledo kaaꞌlamattohanna aanno biddishsha harunsattoha ikkiro.—Maatewoosi 24:45-47, NW.
Huuccattotenni heeshshokki Yihowara sayisse oottohanna isira hegerera soqqantanni heeꞌra hasiꞌrattoha ikkiro.
Cuuamate qixxaawoommo yite hedattoha ikkiro, Qullaawu Maxaafi rosiisaanchikki ikkado ikka dandaatto gara cimeeyyete ledo xaaddine hasaabbinanni gede assa dandaanno.