Lekkaalliidi Qaagiishsha

c Xaa yannara noo Ayihude Niisaani agani hanafinota affannohu beeddahete xiinxallo garinni haaru agani leellirooti; kayinni umi xibbi diro horoonsiꞌnoonniti tenne hayyo diꞌꞌikkitino. Hatteentenni Niisaani agani hanafannohu haaru agani Yerusaalamete leella hanafanno barraati; hatto yaano beeddahete xiinxallo garinni haaru agani leelli barrinni mitto woy hakkiinni saino barra gedeꞌnara dandaanno. Yihowa Farciꞌraasine Mootichu Hurbaate ayirrissanno barrinna xaa yannara noo Ayihude Faasiku Ayyaana ayirrissanno barri mito woyite baxxanno gede assannohu mittu coyi konneeti.