Lekkaalliidi Qaagiishsha

e Arxekisisi Umihu, shiimurira hanqannohonna garasi anfoonnikki manchooti. Giriikennihu xaggete borreessaanchi Herodootesi, Arxekisisi Giriikete ledo olami yannare borreessi woyite, Arxekisisiha mito akata kulino. Moote, Helesponti qasiisora markaawe dirre buusa seekkinanni gede hajajino. Hakkonne buusa dambalu diigita, buusa seekkitu ogeeyye goowa murre shinanni gede hajajino; hakkiinni nafa sae, qoonqo naggi assine rumo nabbambanni woyite mannu Helesponti waa halangetenni gananni “qorichishanno” gede assino. Hakkunni oli yannara, mittu dureessichi beettisi gaadoho haꞌrannokki gede huucciꞌreenna, Arxekisisi hakkonne beetto murre lamewa tayinse, mannu lae qorophanno gede leellanno bayicho worranni gede assino.