Jeefote Hedo

^ [1] (gufo 14) Yihudu manni Baabiloonete qafadame heeꞌrino heeshshonna kaadaasine kaꞌu kawa Kiristaanaho iillinore mitto assannohu haammatu coyi no. Ikkollana, Yihudu manni qafadama buuramino Kiristaanira iillinorira masaalloonni masaalo diꞌꞌikkitino. Togo yineemmo gede assannonkehu mittu coyi qafadante keeshshitino yanna taalo ikka hoogate. Konni daafira, Yihudu manni qafadamannota kultanno masaalo giddo qummi assinoonnihu mittu mittunku coyi buuramino Kiristaanira 1919 geeshsha noo yanna giddo iillannonsare leellishannohu gede assine heda dihasiissannonke.