Qaagooshshu Ayyaanira Qixxaawattohu Hiittoonniiti?

Tayixe dirinni hanafe Kiristoosi reyo Qaagooshshi Ayyaanira qixxaawate roore yanna heedhannonke. Qaagooshshu Ayyaani Sanyotenni kayise Arbete geeshsha noo barri giddo ikkiro hatte lamalara Kiristaanu Heeshshonna Soqqansho Gambooshshi diheeꞌranno. Qaagooshshu Ayyaani Qidaame woy Sambata ikkiro dagate lallawonna Agarooshshu Shae gambooshshi diheeꞌranno. Afidhinoonnita ledote yanna dancha gede horoonsidhinanni? Umi xibbi dirira qixxaamboonninte gede tenne baxxitino yannarano qixxaawa hasiissanno. (Lu 22:7-13; km 3/15 1) Qoleno baalunku wodananke qixxeessiꞌra hasiissannonke. Tenne assa dandiineemmohu hiittoonniiti?

• Konne gambooshshe haꞌra mayi horo afidhinoro hedde.—1Qo 11:23-26

• Yihowa ledo nooꞌne jaalooma huuccatto assidhine hedde.—1Qo 11:27-29; 2Qo 13:5

• Qaagooshshu Ayyaani afiꞌrino tiro xawisanno qummeeshshanna borro nabbabbe hattono hiince.—Yoh 3:16; 15:13

Mite halashshaano Qullaawu Maxaafire Barru Barrunku Hasaawa yitanno buukileetera noota Qaagooshshu Ayyaanita Qullaawu Maxaafi niwaawe nabbabbe hiincitanno. Wolootu qolte hatte buukileetera sanxarazhete noo qummeeshshuwa nabbabbanno. Wolootu kayinni Qaagooshshu Ayyaani daafira kultannotanna Yihowanna Yesuusi baxxinonke gara xawisanno birxicho afidhinota Agarooshshu Shae wirro nabbabbanno. Nabbawate doodhattori ikkihano ikkiro, hatto assakki Yihowawanna Beettisiwa albinni roore shiqatto gede assitannohe.