Yihowa Guwisidhinanni Heedhe!

Heeshsho muxxe eltooti! Tenne elto horoonsiꞌneemmo gari, heeshsho mageeshshi geeshsha naandeemmoro leellishanno. Yihowa Farciꞌraasine ikkinoommo daafira, dandoonkenna ogimmanke heeshsho uyinonke Magano Yihowa ayirrisatenna guwisiꞌrate horoonsiꞌra hasiissannonke. (Fa 36:9; Aj 4:11) Ikkirono tenne bunshe woꞌmitino alame giddo barru baala heeshshonke giddo xaadannohu yaachishanno coyi ayyaanaamittete coye assa facci assine agurreemmo gede assankera dandaanno. (Marq 4:18, 19) Konni daafira mittu mittunku ninkeneeto togo yine xaꞌma hasiissannonke: ‘Yihowara umo ikkinore aanni noommo? (Ho 14:2) Looseemmo loosi Yihowara gari geeshsha soqqameemmokki gede ataawe ikkinoe? Ayyaanaamittete mixo fushshiꞌroommo? Yihowara albinni roore soqqama dandeemmohu hiittoonniiti? ’Woyyeessiꞌra hasiissannohe coyi noota huwatittoro, Yihowa kaaꞌlannohe gede huuccatto assiri; hakkiinni biddi assiꞌra hasiissannohe coye biddi assiꞌri. Barru baala Yihowa guwisiꞌrakki hagiirraame heeshsho heeꞌratto gede kaaꞌlitannoheta huluullantooti!—Fa 61:8.

DANDOOꞌNE YIHOWA GUWISIꞌRATE HOROONSIDHE YITANNO VIIDIYO LAꞌINI GEDENSAANNI, AANTE NOO XAꞌMUWA HASAABBE:

• Dandoonke Sheexaanu alamera aa hayyo diꞌꞌikkitino yineemmohu mayiraati? (1Yo 2:17)

• Umo ikkinore Yihowara uyitannori mayi atoote afidhanno?

• Dandookkinna ogimmakki horoonsidhe qullaawa soqqansho soqqama dandaattohu hiitte doogganniiti?