Yihowa Eino Qaalira Nooꞌne Ammana Mageeshshite?

Iyyaasunna Selemooni Yihowa eino qaali giddo mittuno gatikki woꞌminota coyidhino. (Iy 23:14; 1Mo 8:56) Lamunku coyidhinori ammananke jawaachishiꞌneemmo gede kaaꞌlannonke. —2Qo 13:1; Ti 1:2.

Yihowa eino qaale Iyyaasu waro wonshinohu hiittoonniiti? Maateꞌne ledo ‘Woꞌmikki Gatinohu Mittu Qaalino Dino’ yaanno diraama laꞌe. Hakkiinni aante noo xaꞌmuwa hasaabbe: (1) Reaabiha ammanate lawishsha harunsa dandaattohu hiittoonniiti? (Ib 11:31; Ya 2:24-26) (2) Akaani lawishshi anfanni heeꞌnenni hajajama giwa bao abbitannota leellishannohu hiittoonniiti? (3) Gebaooni manni olamaasine ikkiturono, insa Iyyaasu dogge Israeelete ledo salaame kalaqidhinohu mayiraati? (4) Onte Amooraawootu mootoolla Israeele waajjishiishshu yannara Yihowa coyiꞌrinori woꞌminohu hiittoonniiti? (Iy 10:5-14) (5) Heeshshokki giddo Maganu Mangistenna keeraanchimmasi balaxisiisseenna Yihowa kaaꞌlinohehu hiittoonniiti?—Mt 6:33.

Yihowa assinore, xa assanni noorenna albillitte assannore hiincineemmoha ikkiro, isi eino qaalira noonke ammana roore kaajjitanno.—Ro 8:31, 32.