Goofimarchu Geeshsha Cinca

1. Cincate kaaꞌlitannote

Maganu uyino hexxo.

Isi rosiisinonke coyi

Huluullisannokkiho.

Maganu barri gambise

Dayinota heddayi heeꞌri;

Fonqolu iilliherono,

Ammanakki cuꞌmiꞌri.

2. Alba noohe baxilleno

Cuꞌmiꞌri seekkite.

Qarra baala qeelte sai

Ikkittota ikkite.

Waajjite badhe higgooti

Qarru batiꞌreennahe.

Maganikki kaaꞌlannohe;

Furcho qixxeessannohe.

3. Cincite kaajjitannori

Baalunku gattanno.

Yihowa maxaafisira

Suꞌmansa borreessanno.

Konnira kaajjite uurri;

Horonta qeelantooti.

Magano hagiirsiisatto;

Atino hagiidhatto.