Yesuusi Ayeeti?

Yihowa Yesuusa uullara soyino. 1 Yohaannisi 4:9

Yihowa hagiirsiisa hasiꞌnummoro, Beettisi yaannore macciishsha hasiissannonke. Yihowa Addaami kalaqara seeda yanna albaanni, iima wolqaataamo ayyaanu kalaqo kalaqino.

Yannate gedensaanni Yihowa konne kalaqo Beeteleemete heedhannote Maariyaami yinannite seemo beetto widoonni ilamanno gede soyinosi. Konni qaaqqira Yesuusa yine suꞌma fushshinisi.—Yohaannisi 6:38.

Yesuusi mancho ikke uulla heeꞌri yannara akatisi woꞌmunni woꞌma Maganunnihu gedeeho. Isi shaqqadohonna, baxillaanchoho; qoleno mannaho isiwa shiqate dikabbaadinonsa. Waajjikkinni wolootaho Yihoware halaale rosiisino.

Yesuusi danchare calla assino; ikkollana mannu giwinosi. 1 Pheexiroosi 2:21-24

Ammanate marooti Yesuusa gibbinosi, korkaatuno isi kaphphu rosonsanna busha loosonsa xawo fushshino.

Yesuusi xiwantinore hursino; reyitinoreno kayisino.

Ammanate marooti, Roomu gashshaano Yesuusa gantannonna shitanno gede kakkayissino.