ROSO 14

Maganu Jaalla Busha Ikkinore Diassitanno

Sheexaanu mannu bunshe assara xixxiiwanno. Maganu jaala ikka hasiꞌranno manchi Yihowa giwannore giwa hasiissannosi. (Roomu Sokka 12:9) Maganu jaalla giwa hasiissannonsari giddo mitu mitu aante nooreeti:

Foorre, dimba, godowu gato huna, moora, kapha, quwa sae hanqanna qumaarre Yihowa giwannoreeti

Soorro. “Soorritooti.” (Wolaphpho 20:14; Maatewoosi 5:27) Meyaatinna labbaahu adhamikkinni siimu xaadooshshe assa cubboho.—1 Qorontoosi 6:18.

Dimba. “Dimbitannori . . . Maganu gashshoote diragidhanno.”—1 Qorontoosi 6:10.

Lubbo shaanna godowu gato huna. “Shitooti.”—Wolaphpho 20:13; Maatewoosi 5:21.

Moora. “Moortooti.”—Wolaphpho 20:15; Efesooni 4:28.

Kapho. Yihowa “kaphaancho arrawo” giwanno.—Lawishsha 6:17; Efesooni 4:25.

Finqillenna quwa saino hanqo. “Finqille baxannoha [Yihowa] giwanno.” (Faarso 11:5) ‘Maalu loosi [giddo mittu] . . . hanqoho.’—Galaatiyu 5:19, 20.

Kasaara (qumaarre). “Ammaꞌnitino manni giddonni mittu . . . woxe yogorannoha . . . ikkiro, isi ledo sumuu yitinoonte.”—1 Qorontoosi 5:11.

Wole gaꞌre woy gosa ikkino manna giwa. “Qahoꞌne baxxe, qarrissannoꞌnerira Magano huuccensa.”—Maatewoosi 5:43, 44.

Maganu kulannonkeri baalu ninkera horo aannoreeti. Bunshe qoropha duucha wote shota diꞌꞌikkitanno. Yihowanna Farciꞌraasinesi kaaꞌlonni Maganu hagiidhannokkire assa qoropha dandaatto.—Isayyaasi 48:17; Filiphphisiyusi 4:13; Ibiraawuyaani 10:24, 25.