Maganu Gannate Abbara Qaale Eino

TINI gannatete misileeti; togoo gannate Maganu masaalaanchisi Isayyaasira leellishikki digatino. Isayyaasi, Yoonaasi reyihunni shiima yanna gedensaanni heeꞌrino manchooti.

Gannatete yaa, “kaashshu baseeti” yaate. Albaanni konni maxaafi giddo ronsummori qulli yiihe? Gannate gudisidhe Maganu Yihowa Addaamiranna Heewanira qixxeessita biifado kaashshu base labbanno; dihattooti? Kayinni woꞌma uulla gannate ikkitakka?

Yihowa mannisi konni kaꞌa ragiꞌranno gannatere borreessanno gede masaalaanchisi Isayyaasira kulino. Yihowa togo yee coyiꞌrino: ‘Hiyyeeyyenna gereewu baxame mitteenni heeꞌranno. Siittunna doobbiyu qaaqquulli mitteenni bobbahanno; shiimu qaaqqino allaalannonsa. Mittu qaaqqi harfa afiꞌrino hamashshi mule godoꞌliro nafa, hamashshu digawajjannosi.’

Duuchchu manni togo yaara dandaanno: ‘Kuni horonta diꞌꞌikkannoreeti. Uullate aana qarru hooge diegennino; konni kaꞌano dihooganno.’ Ikkollana hanni hedi: Maganu Addaaminna Heewani hiittoo basera worino?

Maganu Addaaminna Heewani gannatete worino. Biifado qaensanni fushshinoonninsahu, geedhitinohunna reyitinohu Maganoho hajajantinokki daafiraati. Maganu iso baxanno mannira Addaaminna Heewani hooggure baala aansara qaale eino.

Konni kaꞌa dagganno gannatera gawajjannori mitturino diheeꞌranno. Woꞌmunni woꞌma keeru heeꞌranno. Baalunku manni fayyonna hagiirraamo ikkanno. Duuchchunkuri Maganu umi qara ikkara hasiꞌrino gede ikkanno. Maganu konne hiitto asse assannoro albaange ronseemmo.