Ammaꞌnoꞌne Ameerikunni Dagginote?

Qara biironke noohu Ameerikahooti. Ikkollana, ammaꞌnonke Ameerikaho wole ammaꞌnowiinni baxxite kalaqantinota diꞌꞌikkitino; korkaatuno:

• Yihowa Farciꞌraasine wole ammaꞌnowiinni baxxite fultinore diꞌꞌikkitino. Hatteentenni, umi xibbi diro noota Kiristaanu ammaꞌno galagalle hananfoommo.

• Yihowa Farciꞌraasine loosonsa loossannohu 240 gobbaraati. Heeꞌnummowa heeꞌnummorono, roore ammanammeemmohu Ameeriku mangistera woy wolu uullate gashshootira ikkikkinni Maganu Yihowaranna Yesuusi Kiristoosiraati.—Yohaannisi 15:19; 17:15, 16.

• Ronseemmo rosi baalunku, Ameerikaho noohu mittu ammaꞌnote sooreessi borreessino borro aana ikkikkinni Qullaawu Maxaafi aana xintaminoho.—1 Teselonqe 2:13.

• Yesuusi Kiristoosi agurranna, mittuno harunsineemmo manchi dino.—Maatewoosi 23:8-10.