Yesuusa Ammantinanni?

Ee, ammanneemmo. Isi togo yiino: “Doogono, halaaluno, heeshshono aneeti. Ane widoonni ikka hoogiro, ayino Anniꞌyawa daannohu dino.” (Yohaannisi 14:6) Yesuusi gordunni uullara dayinotanna ninke daafira yee guuta heeshshosi wodote kakkalo asse uyinota ammanneemmo. (Maatewoosi 20:28) Yesuusi reyonna kaosi, iso ammantannori hegere heeshsho afidhanno gede faro fantino. (Yohaannisi 3:16) Qoleno Yesuusi xa gordoho Maganu Mangistera Moote ikke gashshanni noota ammanneemmo; tini Mangiste muli yannara uulla woꞌmate aana keere abbitanno. (Yohaannisi Ajuuja 11:15) Ikkollana, Yesuusi “Anniꞌya anewiinni rooranno” yee coyiꞌrino qaaleno ammanneemmo. (Yohaannisi 14:28) Konni daafira, Yesuusi Woꞌmanka Dandaanno Maganooti yine ammanneemmokki daafira, iso dimagansiꞌneemmo.