Miinahe Gede Ayyaanaamittete Coye Balaxisiisse

Miinahe umi xibbi diro Antsookiyu songora albisa ikkite soqqantino roduuwi giddo mittoho. Isi ‘Galiilu qoqqowi gashshaanchi Heroodiisi ledo rosinoho.’ (Soq. 13:1) Hakko daafira Miinahe lowo roso rosinohanna qawaaxxiꞌre lophinoha ikkara dandaanno.

Isi lophino gari ikkihano ikkiro, Kiristaancho ikkanna songo kaaꞌla doodhino. Isi rosino rosonna noosi silxaane umisi qiniitira dihoroonsiꞌrino. Hatteentenni ammanate roduuwasi kaaꞌlate jawaate soqqamino.

Miinahe lawishshi alamete aana maccaha ikkate sharramantenni Yihowara soqqama roortannota leellishannoho. Ninkeno isinte gede dureeyye woy maccare ikkate sharramantenni ayyaanaamittete coye balaxisiisa hasiissannonke. (Mat. 6:33) Qoleno rosu hasiisannoha ikkirono, ‘roore hasiisanno coye bande afanna’ maalaamittete coyi Yihowa magansiꞌneemmota hoolanni noonkeronna teꞌee buuxiꞌra hasiissannonke.—Fil. 1:9, 10.