Abidiyu Gede Magano Waajjitinannire Ikke

Abidiyu bushu Moote Akiaabi mine hajajaancho ikke soqqamannoho; Akiaabi Israeelete gobbara Baꞌꞌaali magansiꞌra halaꞌlitanno gede assino. Abidiyu kayinni ‘anjenni kayise’ Yihowa waajjannoho. (1 Mo. 18:1-13) Hakko daafira Mootitte Elzaabeeli baalanta Yihowa masaalaano shine gundanni gede hajajjuta, Abidiyu tenne goofo ittisate worbimmatenni qaafo adha hasiissannosita wodanchino. Mitto masaalaancho nafa maaxe gatisa qarru giddo tugganno; Abidiyu kayinni 100 masaalo maaxe gatisino hattono hude ubbe noo yannara insara sagale aanni towaatinonsa! Mootete soqqantannori lowo xibbe ikkitannori kaphu masaalaanonna mootitte Elzaabeeli affukkinni tenne assa mageeshshi geeshsha qarra ikkitannoro hanni hedi.—1 Mo. 18:19.

Konni Magano waajjanno manchiwiinni maa ronseemmo? Abidiyu Akiaabi waajjinoha ikkirono roore kayinni Magano waajjino. Tini isi roduuwasi gatisate waajjikkinni heeshshosi qarru giddo tuganno gede assitinosi. Heeꞌneemmo qooxeessira Magano magansiꞌneemmota hoollinkero ninkeno Magano waajjineemmore ikkinoommota leellisha dandiineemmo. Togoo waajja roduuwanke qarru amadannonsa woyte kaaꞌlate jawaante afiꞌneemmo gede assitannonke.