‘Ayyaanaamo Afanshakki’ Horoonsiꞌri

Ammanate roduuwinke ledo xaande yanna sayinseemmo woyite mimmito jawaachinsheemmo. Ikkirono mimmito dancha gede jawaachishate mimmitu ledo xaadatenni sainoe assa hasiissannonke. Qullaawu Maxaafi mimmitu ammana kaajjishate dandoonke “ayyaanaamo afansha” ikkitinota kulanno. (Rom. 1:11, 12) Konne afansha danchu garinni horoonsiꞌra dandiineemmohu hiittoonniiti?

Coyidhinannirinni mimmito jawaachishshe. Lawishshaho, gambooshshunniwa dawaro qolleemmo woyite ninke ikkikkinni Yihowa, Qaalesinna mannasi naandanni gede assitanno dawaro qola dandiineemmo. Ammanate roduuwinke ledo hasaambeemmo woyite dhaawannonsare doorre hasaawa dandiineemmo.

Doodhitinannirinna assitinannirinni woloota jawaachishshe. Lawishshaho mitootu qarru iillanni noonsaha ikkirono, woꞌma yanna soqqansho soqqantanni heeꞌra doodhitino. Wolootu qolte loosu batiꞌrannonsaha woy bayicho assiꞌrino dhibbi waadannonsaha ikkirono Kiristaanu Heeshshonna Soqqansho Gambooshshe ganyite hadhanno.

Coyiꞌrattorinna assattori ammanate roduuwakki jawaachishanno? Hattono konne ayyaanaamittete afansha adhate qixxaabbe agadhatto?