Qummeeshshuwa Qaaga

Baxattoha Qullaawu Maxaafi qummeeshsha qaaga qarra ikkite egentinohe? Kuni qummeeshshi sheshifachishannoheha, gara ikkitinokki hedo qeeꞌlatto gede kaaꞌlannoheha, woy wolootaho kula baxattoha ikkara dandaanno. (Far. 119:11, 111) Hanni qummeeshshuwa qaagatto gede kaaꞌlitannoheta mite hedo laꞌno.

• JW Layibirerera noo taage horoonsiꞌri. “Baxeemmo Qummeeshshuwa” yitanno taage kalaqiꞌri; hakkiinni konni bayichira qaaga hasiꞌratto qummeeshshuwa wodhi.

• Qummeeshsha leellanno bayicho wodhi. Qaaga hasiꞌratto qummeeshsha woraqataho borreessite higgayi saꞌayi laꞌꞌa dandaattowa wodhi. Mitootu hincilaallonsara wolootu kayi firiijensara gaꞌnitanno. Wolootu qolte qummeeshsha foto kayisse kompiyuterensara woy mobayilensara albaanni wodhitanno.

• Qaagate kaaꞌlitanno kaarde qixxeessiri. Qummeeshsha albaanni, qummeeshshu hedo kayi badheenni borreessi. Hakkiinni qummeeshsha laꞌe qummeeshshu hedo qaagate woy qummeeshshu hedo laꞌe qummeeshsha qaagate woꞌnaali.