Haaru Soqqanshote Dirira Maa Assate Mixiꞌrootto?

Ayyaanaamittete mixo Yihowara albinni roore soqqamatenna iso hagiirsiisate jawaante loonseemmo loosooti. Togoo mixo ayyaanaamittetenni gikki yineemmo gede kaaꞌlitannonke; qoleno tenne assate yannankenna wolqanke aa kiissannonke. (1Xi 4:15) Fushshiꞌnoommo mixo yannate kiiro wirro buuxiꞌra hasiisannonkehu mayiraati? Heeꞌnoommo gari soorramanno daafiraati. Alba fushshiꞌnoommo mixo xa kaaꞌlitannonkekkiha ikkara dandaanno; woy hatte mixo wonshiꞌnoommoha ikkara dandaanno; konnira wole mixo fushshiꞌra dandiineemmo.

Fushshiꞌnoommo mixo haaru soqqanshote diri hanafara albaanni layiꞌra danchate. Maatete magansiꞌraꞌne yannara tenne daafira hasaabbine maatete deerrinnino ikko annu annu deerrinni mite mixo fushshiꞌra dandiitinanni ikka?

Aante noo hajo daafira hiittoo mixo fushshidhinoonni? Tenne mixo wonshiꞌrate maa assate heddinoonni?