KIRISTAANU HEESHSHO
Kaadaasine Qorophe
Duucha woyite Sheexaanunna garosi kapho halaalu ledo karsiisse ammananke shoshshoggishate woꞌnaaltanno. (2Qo 11:3) Lawishshaho, Asoorootu Yihowa manna hexxo mursiisate gama wido halaalenna gama wido waajjo kapho karsiisse coyidhino. (2Du 32:10-15) Xaa yannarano kaadaasine hattoo hayyo horoonsidhanno. Kaadaasinete roso ma garinni laꞌꞌa hasiissannonke? Togoo roso marzete gede gibbe. Insa qixxeessitannore horonta nabbabbinoonte; sokkansarano dawaro qoltinoonte. Yihowanna dirijjitesi daafira huluullammeemmo gede assitanno hedo bade afate jawaantoommore ikkino; hattono togoo hedo effiꞌne gimbo!—Yih 3, 4.
‘AMMANATE JAWAATTINE SHARRAMME’!—MURRE HAAꞌNOONNITA YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLATE WOꞌNAALLE:
Interneete horoonsiꞌneemmoha ikkiro, qoropha hasiissannonkehu mayiraati?
Roomu Sokka 16:17 noo amaale harunsa dandiineemmohu hiittoonniiti?