KIRISTAANU HEESHSHO
Maganu Qaalira Nooꞌne Ammana Kaajjishidhe
Maganu Qaali heeshshonke biddi assa dandaanno. (Ib 4:12) Ikkollana giddosi noo biddishshinninna amaalenni hoꞌro afiꞌrate Qullaawu Maxaafi ‘Maganu Qaale’ ikkinota ammana hasiissannonke. (1Te 2:13) Qullaawu Maxaafira noonke ammana kaajjishiꞌra dandiineemmohu hiittoonniiti?
Qullaawa Maxaafa barru baala nabbawi. Nabbawatto woyite borreessiisinohu Yihowa ikkinota leellishshanno taje hasiꞌri. Lawishshaho, lawishshu maxaafi giddo noo amaale xiinxalli hattono yannankerano kaaꞌlitanno hayyo amadinota wodanchi.—La 13:20; 14:30.
Xiinxallate pirogiraame fushshiꞌri. Qullaawu Maxaafi Maganu ayyaaninni borreessaminoha ikkinota leellishshanno taje buuxi. Yihowa Farciꞌraasinete Xiinxallote Kaaꞌlitanno Borrora, “Qullaawa Maxaafa” yaannohu hunda “Maganu Ayyaaninni Borreessamino” yaanoha lai. Qoleno Qullaawu Maxaafi sokka soorrantannokkita ikkitinota albinni roore ammana dandaatto gede Agarooshshu Shae Kiiro 4 2016 lai.
MAGANU QAALE AMMANA HASIISSANNONKEHU MAYIRAATI? YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLATE WOꞌNAALLE:
Gibitsete Karnaaki yinanniwa anfoonni taje Maganu Qaali halaalaancho ikkinota leellishshannohu hiittoonniiti?
Qullaawu Maxaafi sokka soorrantinokkita anfeemmohu hiittoonniiti?
Qullaawu Maxaafi baikkinni gate saino gari, Maganu Qaale ikkinota ammanatto gede assannohehu hiittoonniiti?—Isayaasi 40:8 nabbawi