Huuccattonke Yihowa Albaanni Muxxete

Yihowa fajjo ledo sumuu yitanno huuccatto, woꞌmanka woyite qullaawu mini giddo Yihowa albaanni giirrannihu tanni yee suꞌnaanno hixaani gedeeti. (Fa 141:2) Iimi Annanke banxeemmosihanna galanteemmosiha, yaachishinonkerenna halchonke hasaaphineemmoha hattono biddishshasi hasiꞌneemmoha ikkiro, isi ledo noonke jaalooma lowori gede assine laꞌneemmota leellinshanni heeꞌnoommo. Hige Yihowa gambooshshunniwa mannu albaanni huuccineemmota harancho huuccatto magansiꞌrankete qara kifile wido ikkitinohu gede asse laꞌꞌannoti dihuluullissannote. Ikkirono Yihowa callootinke huucciꞌneemmo woyiteno, giddonketa gudinse hasaaphinanni seeda yanna huucciꞌneemmo woyite hagiidhannoti dihuluullissannote!—La 15:8.

HUUCCATTO ANERA LOWOREETI YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Roduu Joonseni afiꞌrino qoosso maati?

• Roduu Joonseni huuccattotenni Yihowa addaxxinohu hiittoonniiti?

• Roduu Joonseni woꞌnaalshinni maa rosootto?