Angate Anje Dandee Saꞌꞌate Sharrami

Heeꞌnoommoti tini goofimarchu yanna qarru batiꞌrinote. Goofimarchu gambisanni dayi kiiro qarrisanno coyi lexxanni haꞌrannoti dihuluullissannote. Mito woyite maalaamittete hasiisannonkere afiꞌra qarra ikkitankera dandiitanno. (Imb 3:16-18) Angate anje amaddannonke woyite dandee saꞌꞌate mayi kaaꞌlannonke? Maganonke Yihowa addaxxa hasiissannonke. Isi soqqamaanosi towaateemmo yee qaale eino; hattono heeshshonke gari ikkihano ikkiro hasiisannonkere aankera dandaanno.—Fa 37:18, 19; Ib 13:5, 6.

Ati maa assa dandaatto?

• Yihowa massagannohe gede, hayyo aannohe gedenna kaaꞌlannohe gede huucciꞌri.—Fa 62:8

• Konni albaanni loosse egennoottokki looso loosate woꞌnaali.—g 1/10 8-9, saaxine

• Ayyaanaamittete coye ganyite assi; Qullaawa Maxaafa nabbawi; songote gambooshshe haꞌri; hattono diinaggaabbe soqqami

KAAJJE UURRANNO MINE MINNE—“NOOꞌNE COYINNI KASSI YITINE HEEDHE” YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLATE WOꞌNAALLE:

• Mite maatera iillinonsa qarri maati?

• Heeshshonke giddo roore hasiisanno coyi maati?

• Angate anje amaddinonsare kaaꞌla dandiineemmohu hiittoonniiti?