Busha Yorto Qeeꞌli

Guuntete xeꞌne noonkere ikkinoommo daafira busha yortonke qeeꞌlate woꞌmanka woyite sharrama hasiissannonke. Hasiꞌnummore baala assineemmoha ikkiro Yihowa hagiirsiisa didandiineemmo. Lawishshaho mitu manni sagale, uddanonna mine afiꞌrate noonsa hasatto Maganoho noonsa baxillinni roortara wodhino. Wolootu qolte siimu xaadooshshi hasattonsa wonshiꞌrate Maganu seeri ledo sumuu yaannokkire assitino. (Ro 1:26, 27) Mitu kayinni wolu manni baxansara woy naadansara hasidhino daafira gara ikkinokkire assitanno gede xixxiibbansara wodhitino.—Fu 23:2.

Ikkina yortonke qeeꞌla dandiineemmohu hiittoonniiti? Ayyaanaamittete coye illachishate dandiinummore baala assa hasiissannonke. (Mt 4:4) Qoleno yortonke qeeꞌlineemmo gede kaaꞌlankera Yihowa eeggifante huucciꞌra hasiissannonke. Mayira? Korkaatuno isi ninkera woyyannore afino hattono gara ikkitino halchonke wonshannonkehu hiittoonniitiro afino.—Fa 145:16.

SIJAARA AGGANNI HEESHSHOKKI HUꞌNITOOTI YITANNO VIIDIYO LAꞌINIHU GEDENSAANNI AANTE NOO XAꞌMUWARA DAWARO QOLATE WOꞌNAALLE:

• 

  Mitu manni sijaara agannohu mayiraati?

• 

  Sijaara aga gawajjitannohu hiittoonniiti?

• 

  Sijaara aga soꞌrote yineemmohu mayiraati?—2Qo 7:1.

• 

  Sijaara aga giwa woy agura dandaattohu hiittoonniiti?