Qullaawu Ayyaani Kaaꞌlonni Loonsoonniha Jawa Looso

Hundi warinni kayisse, Maganu soqqamaasine uminsa wolqanni ikkikkinni Yihowa kaaꞌlonni dhagge ikkanno looso loossanni keeshshitino. Yihowa dirijjite 1954nni Haaro Alame Dagoomi Loosanni No yitanno filme qixxeessitino. Roore anga tenne filme qixxeessitinori, filme loosate woꞌnaalshi noonsakkiri Beeteelete maate miillaati. Konne shaaꞌꞌa ikkinokki looso loonsoonnihu Yihowahu qullaawu ayyaani kaaꞌlino daafira callaati. Tini, Yihowa addaxxinummoro, uyinanninkeha aye loosono umo fushsha dandiineemmota addaxxineemmo gede assitannonke.—Za 4:6.

“HAARO ALAME DAGOOMI LOOSANNI NO” YITANNO FILME QIXXEESSA YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Qara biiro daafira kultanno filme qixxeessate kaꞌnoonnihu mayiraati?

• Tini filme Beeteele mannu bisi gede ikkitinota leellishshinohu hiittoonniiti?—1Qo 12:14-20

• Roduuwu tenne filme qixxeessitu woyite qarra ikkinonsari maati? Konne qarra qeeltinohu hiittoonniiti?

• Tenne xaggenni Yihowahu qullaawu ayyaani daafira maa ronseemmo?