Yihowara Soqqama Doodhi

Ati cuuamoottokki halashshaanchooti? Woy Qullaawa Maxaafa xiinxallitanni noottoho? Hatto ikkiro, cuuamate mixo noohe? Cuuama hasiissannohehu mayiraati? Ateneeto Yihowara sayisse aanna cuuama, isi ledo baxxino jaalooma kalaqiꞌratto faro fantannohe. (Fa 91:1) Qoleno gato afiꞌratto gede assitannohe. (1Ph 3:21) Heeshshokki Yihowara sayisse aatenna cuuamate deerra iilla dandaattohu hiittoonniiti?

Rossanni noottori halaale ikkinota buuxi. Huluullitannohe xaꞌmo heedhuro, dawaro afiꞌrate seekkite xiinxalli. (Ro 12:2) Heeshshokki giddo biddi assiꞌra hasiissannohere badde afate woꞌnaali. Heeshshokki biddi assiꞌratto woyite, hasattokki Yihowa hagiirsiisa ikkitinota deꞌooti. (La 27:11; Ef 4:23, 24) Kaaꞌlannohe gede woꞌmanka woyite Yihowa huucciꞌri. Yihowa wolqaataamo qullaawa ayyaanasi oye jawaachishannohetanna kaaꞌlannoheta huluullantooti. (1Ph 5:10, 11) Yihowa hagiirsiisate assattori gaabbisannore diꞌꞌikkino. Yihowara soqqammanni heeꞌra wole baalantenni roortino heeshshooti!—Fa 16:11.

CUUAMATE WIDIRA MASSITANNO DOOGO YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Mitootu cuuamate hiikkonne guficho ikkanno coye qeelte saꞌino?

• Ateneeto Yihowara sayisse aate hasiissannohe ammana afiꞌra dandaattohu hiittoonniiti?

• Mitootu cuuamate assa hasiissannonsare assitanno gede kakkayisinonsari maati?

• Yihowara soqqama doodhitannori afidhanno atooti maati?

• Meessaneeto Maganoho sayise aanna cuuama yaa mayyaate?