Maganunna Kiristoosi Kaaꞌlonni Albillitte Wolaphineemmo

Barru barrunku duha ikkannohe qarri maati? Ati loosu qalxe amadinoheho maatete umooti? Maate callikki towaaxxate sharrantanni nootto annaati woy amaati? Rosu mine darawokki waaddannohe wedellichaati? Ordu fayyimma hoongi woy diru akkalle qarrissinohe? Ninke baalunkura qarru iillannonke. Gamete aana gami-tokke yinannihu gede, batinyu Kiristaanira qarru aana aanaho iillannonsa. Ikkollana, muli yannara konni baalunku qarrinni fulleemmota anfoommo.—2Qo 4:16-18.

Hakka geeshsha kayinni, Yihowara qarrinke leellannosita, isi ammanamankenna cincanke naadannota, hattono albillittete kiirre tunqannikki atoote qixxeessinonketa afanke sheshifachishshannonke. (Er 29:11, 12) Yesuusino ninke mittu mittunku qarra afino. Isi uyinonke hajajo wonshineemmo woyite, ‘ninke ledo heeꞌrannota’ kule qaale eino. (Mt 28:20) Albillitte Maganu Gashshooti giddo afiꞌneemmo wolapho hiincineemmo woyite, hexxonke kaajjitanno; qoleno xa iillannonke qarra cincate albinni roore murciꞌneemmo.—Ro 8:19-21.

DAMBALU SHIQE DAANNO WOYITE, ILLEꞌNE YESUUSI AANINNI HOOLTINOONTE!—ALBILLITTE AFIꞌNEEMMO ATOOTE YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLATE WOꞌNAALLE:

• Mannu ooso Maganuwiinni xeertidhinohu hiittoonniiti? Tini mayi qarra abbitino?

• Yihowara ammanantinori albillitte afidhanno atooti maati?

• Albillitte hagiirsiissanno heeshsho ragiꞌneemmo gede assannonkeri maati?

• Albillitte daggannote haaro alamera maa afiꞌrate halchatto?