“Ani Ikka Hasiꞌreemmore Ikkeemmo”

3:13, 14

Yihowa, Muse Isi daafira dhagge ikkannore afanno gede assinosi. Yihowa hedinore wonshate ikka hasiꞌrannore baala ikkanno; ikkollana isi tenne assannohu guuta ikkino biddishshisi ledo sumuu yaanno garinniiti. Mittu anni oososira hasiissannore wonshannonte gede, Yihowano ninke towaatate hasiꞌrinore baala ikkanno.

Yihowa ane towaatate hasiꞌrannore baala ikkinohu hiittoonniiti?

Misile: Mittu anni maatesi addi addi doogonni towaatanni no. 1. Qaaqqosi goxisara massinowa hasaawisanni no. 2. Minaamasinna qaaqqisi ledo barru qummeeshsha nabbawanni no. 3. Qaaqqisi biskilliite kadanno gara rosiisanni no.