Woꞌnaalshu Noonsa Roduuwiwiinni Maa Rosa Dandiineemmo?

Songuwanke giddo, Yihowara lowo diro soqqantino roduuwi no. Insa lawishsha harunsine Yihowa addaxxa dandiineemmo. Insa, Yihowa dirijjite xagge daafira hattono iillinonsa qarri maatironna Yihowa kaaꞌlonni qeelte saꞌino gara xaꞌma dandiineemmo. Insa giddo mito, Maatete Magansiꞌra assiꞌneemmo yannara nafa koyinse woꞌnaalshansa kultannonke gede xaꞌma dandiineemmo.

Yihowara lowo diro soqqantinoonni Kiristaani, woꞌnaalshaꞌne wedellaho kulate hobbi ruxxi yitinoonte. Yaiqoobinna Yooseefi woꞌnaalshansa maatensara kultino. (Ka 48:21, 22; 50:24, 25) Gedensaannino Yihowa, maatete umo ikkitinori isi assinoha dhagge ikkanno looso oosonsara rosiissanno gede hajajino. (Mar 4:9, 10; Fa 78:4-7) Yannankera annuwunna amuuwu hattono songote giddo noori wolootu, Yihowa dirijjitesi widoonni assinoha dhagge ikkanno looso aja dumera kula dandiitanno.

LOOSONKE AGAMBIRONO MITTIMMANKE KAAJJISHIꞌRA YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLLE:

• Ostiriyunniti sinu biiro loosonke agamboonni gobbuwara noo roduuwanke kaaꞌlitinohu ma garinniiti?

• Hatte gobbuwara noo roduuwinke ammanansa kaajjite heedhanno gede maa maa assitino?

• Romaaniyaho heedhannori batinye halashshaano Yihowa dirijjitewiinni baxxitinohu mayiraati? Insa galagalte higginohu ma garinniiti?

• Kuni woꞌnaalshi ammanaꞌne kaajjishinohu hiittoonniiti?