Xalalanna Manna Ayirrisate Heeshsho Dancha Guma Abbitanno

Kiristoosihu gedee akata leellishanno minaamuwi Yihowa Farciꞌraasincho ikkinokki minaanninsa halaale macciishshanno gede kaaꞌlanno. Ikkirono togo assate, lowo diro qarra dandee heeꞌra hasiissannonsaha ikkara dandaanno. (1Ph 2:21-23; 3:1, 2) Taashsho xeꞌinore assinanni heeꞌnoonniꞌneha ikkiro, busha danchu coyinni qeelaꞌne agurtinoonte. (Ro 12:21) Danchu lawishshiꞌne afuunni calla kultine afidhinoonnikkiha dancha guma afidhinanni gede assara dandaanno.

Minannaꞌne kaaꞌlate, iso ikkitinoommero ma assitinanniro hedate woꞌnaalle. (Fil 2:3, 4) Mararronna shaqqille leellishshe hattono ayirrinyunni qeechaꞌne wonshate dandiitinire baala asse. Seekkitine macciishshitinannire ikke. (Ya 1:19) Cincitinannire ikke hattono baxxinannisita afanno gede asse. Minaanniꞌne kiꞌne gede danchummanna ayirrinye leellisha hoogiro nafa, ammanantine assitinannire Yihowa naadannota huluullantinoonte.—1Ph 2:19, 20.

YIHOWA QEECHANKE WONSHINEEMMO GEDE JAWAANTE AANNONKE YITANNO VIIDIYO LAꞌINIHU GEDENSAANNI, AANTE NOO XAꞌMUWARA DAWARO QOLLE:

• Lii mine assidhu yannara umo heeshshose hiittoote?

• Qullaawu Maxaafi halaale baxxanno gede assinoseri maati?

• Rodoo Lii, cuuantu gedensaanni iillinose qarra dandiite saꞌinohu hiittoonniiti?

• Rodoo Lii minaannise daafira mayite huuccidhino?

• Xalalanna manna ayirrisate heeshshose Rodoo Lii mayi atoote afidhanno gede assitinose?