“Wolqa Dibaꞌneemmo”

4:16-18

Hanni lowo geeshsha akkalinonna heeꞌrate injaannokki mine heedhannore lame maate hedi. Mitte maate lowo geeshsha hexxo mudhitino. Layinki maate kayinni hagiirraammaho. Mayira? Layinki maate mulenni haaronna faayya mine afidhanno.

“Kalaqamu baalu mitteenni techo geeshsha gametenni amadame uranni” nooha ikkirono, Maganu soqqamaasinera sheshifachishshanno hexxo noonsa. (Ro 8:22) Xa iillannonke qarri lowo yanna waadannonkeha ikkiro nafa, Maganu abbannote haaro alamera afiꞌneemmota hegere heeshsho hendiro ‘shiimahonna saꞌꞌannoho’. Albillitte Maganu Mangiste abbitanno atoote illachishanke, hagiirraamma ikkineemmo gedenna wolqa baꞌneemmokki gede kaaꞌlitannonke.