KIRISTAANU HEESHSHORA
Soqqanshonke Isilanchimma Woyyeessiꞌra—Dancha Borrote Sokka Borreessa
HASIISSANNOHU MAYIRAATI? Soqqamaasinchu Phaawuloosi ammanate roduuwasi jawaachishate borreessinote 14 borrote sokka giddo mitte 1 Qorontoosi sokkaati. Borrote sokka, borreessaanchu borreessanno qaalla seekke buuxanno gede assitanno, qoleno borro adhannohu hige hige nabbawara dandaanno. Borrote sokka fiixahonna anfoonni mannira farciꞌrate kaaꞌlitannote dancha doogooti. Borrote sokka xaande hasaawisa dandiineemmokki manchira dancha gede farciꞌrateno kaaꞌlitannonke. Lawishshaho mittu manchi hasatto noosiha ikkirono mine marre anfeemmokkiha ikkara dandaanno. Qoqqowinke giddo mitu manni heeꞌrannohu, manna ea fajjinannikkiwa, waalchoho agarre ea hoollanniwa woy xeerto bayicho heeꞌrannoha ikkara dandaanno. Roorenkanni gari geeshsha anfoommokki mannira borreessineemmo woyite heda hasiissannonke coyi maati?
TENNE ASSA DANDIINANNI GARA:
Borreessatto manchira isi ledo xaadoottoro yaattore borreessi. Borrote sokkara umoho suꞌmakki borreessi hattono sokka borreessoottohu mayiraatiro xawisse kuli. Qoleno taxxi yee hedanno gede assitanno xaꞌmo xaꞌma hattono webisayitenke egensiisa dandaatto. Hakkiinni Qullaawa Maxaafa xiinxallinseemmo gara xawisa woy xiinxallinseemmo borrora nooha mitto birxicho meekki fooliishshora nooro kula dandaatto. Borrote sokka ledo borro, JW.org egensiissanno kaarde, koyishshu woraqata, woy tiraakte soya dandaatto
Haranchore borreessi. Borreessootto sokka nabbawate daafursitannota ikkitannokki gede haransite borreessi.—Qoola 8 nooha borrote sokka borreessinanni gara yaannoha lai
Soꞌro heedhannokki gede seekkite nabbawi hattono leellanno garinni borreessi. Sokka baxissannota, hayyotenni borreessoottotanna jawaachishannota ikkase buuxi. Poostu mine soyate hasiisannore assoottota buuxi