Baxillu Addu Kiristaana Ikkinoommota Leellishanno—Umoꞌne Roorsidhinoonte, Hattono Hanqoho Muddantinoonte

HASIISSANNOHU MAYIRAATI? Yesuusi, rosaanosi baxillinsanni baxxite leeltannota rosiisino. (Yoh 13:34, 35) Kiristoosihu gedee baxilli noonketa leellishate, wolootu hasatto balaxisiisanna hanqoho muddammeemmokkire ikka hasiissannonke.—1Qo 13:5.

TENNE ASSA DANDIINANNI GARA:

• Mittu manchi koffi assannoꞌnere coyiꞌranno woy assanno woyite, coyeho kaima ikkinori maatiro hedde hattono assitinanniri abbanno guma hedde.—La 19:11

• Ninke baalunku guuntete xeꞌne noonkere ikkinoommotanna gedensaanni gaabbisannonkere coyiꞌneemmo woy assineemmo woyiti heeꞌrannota qaagge

• Kawa kaꞌaa higinore hakkawoyintenni tirre

“MEREEROꞌNE BAXILLU HEEꞌRO”—UMOꞌNE ROORSIDHINOONTE, HATTONO HANQOHO MUDDANTINOONTE YITANNO VIIDIYO LAꞌINI GEDENSAANNI AANTE NOO XAꞌMUWARA DAWARO QOLLE:

• Laari coyiꞌrinorira Toomi hanqinohu hiittoonniiti?

• Toomi shiima yanna taxxi yee hedasi hanqoho muddamannokki gede kaaꞌlitinosihu hiittoonniiti?

• Toomi awu afiinni qolasi qarru kalaqamannokki gede assitinohu hiittoonniiti?