MAGANU QAALI GIDDO NOO JIRO | LUQAASI 8-9
Yesuusi Hoode Haꞌrate Assa Hasiissannori Maati?
Hawuuranno manchi hedosi bebbeehanteenna boye soꞌrannokki gede badhe hige caaqqi diyaanno. Hatteente gede mittu Kiristaanchi hedosi bebbeehantannokki gede alamete giddo agure dayino coyira agure badhe higa dihasiissannosi.—Fil 3:13.
Qarru iillannonke woyite, ‘albi coye’ yaano halaale macciishshinammora albaanni heeꞌnoommo heeshsho halcha rakkankera dandiitanno. Togoo woyite, hatte yanna hagiirre janjammoranna noo qarra ajinshe laꞌnammora dandiineemmo. Israeele Gibitsetenni fultu gedensaanni assitino coyi konneeti. (Ki 11:5, 6) Togoo coye hendanni keeshshineemmoha ikkiro, agurre albinke heeshsho widira hingammora dandiineemmo. Xaa yannara afiꞌnoommo atootenna albillitte Maganu Mangiste gashshooti giddo afiꞌneemmo atoote heda lowo geeshsha hasiissannote!—2Qo 4:16-18.