SOQQANSHONKE ISILANCHIMMA WOYYEESSIꞌRA “Maganu Baxillinni Fultinikki Heedhe” Yaanno Maxaafa Wodana Kakkayisanno Garinni Xiinxallisa

HASIISSANNOHU MAYIRAATI? Mannu magansiꞌransa Yihowa baxannota ikkitanno gede seerasi rosanna seerisi ledo sumuu yee heeꞌra hasiissannonsa. (Is 2:3, 4) ‘Maganu Baxille’ yinannihu manna xiinxallinseemmohu layinki maxaafi, Qullaawu Maxaafi rosaano heeshshonsa giddo Maganu seera harunsitanno gara huwattanno gede kaaꞌlanno. (Ib 5:14) Xiinxallinseemmo manchi heeshshosi biddi assiꞌrate kaꞌꞌanno gede, rosiinseemmo wote wodanasi kakkayisate woꞌnaala hasiissannonke.—Ro 6:17.

TENNE ASSA DANDIINANNI GARA:

• Xiinxallissinanni manchira hasiisinore heddinanni seekkitine qixxaabbe. Rosanni noo coyi daafira wodanisinni maa hedinoro afate kaaꞌlitannoꞌne xaꞌmo qixxeessidhe.—La 20:5; be-AM 259

• Maxaafu giddo noo saaxinna horoonsidhine, rosaanchu Qullaawu Maxaafiha xintu seera harunsa kaaꞌlitanno gara huwatanno gede kaaꞌle

• Tiiꞌꞌinke yaannore harunsa hasiissanno coyibba lainohunni rosaanchu heeshshi gotti asse hedanno gede kaaꞌlesi; kayinni togo assi yitine kiꞌne murtinoonte.—Ga 6:5

• Mito Qullaawu Maxaafi seera harunsate rosaanchoho kaaꞌlo hasiissinosironna teꞌee afate woꞌnaalle. Yihowara noosi baxilli xixxiiweennasi heeshshosi biddi assiꞌrate kaꞌꞌanno gede kaaꞌlesi.—La 27:11; Yoh 14:31