Soqqanshonke Isilanchimma Woyyeessiꞌra​—Qullaawu Maxaafi Rosaano Insaneeto Maganoho Sayisse Uyitanno Gedenna Cuuantanno Gede Kaaꞌla

HASIISSANNOHU MAYIRAATI? Qullaawu Maxaafi rosaano Yihowa hagiirsiisate insaneeto isira sayisse aanna cuuama hasiissannonsa. (1Ph 3:21) Insaneeto Yihowara sayisse uyitu wote eꞌino qaali garinni heedhannori ayyaanaamittete agarooshshe afidhanno. (Fa 91:1, 2) Mittu Kiristaanchi heeshshosi sayise aannohu Yihowaraati ikkinnina mannaho, loosoho woy dirijjitete diꞌꞌikkino. Konni daafira, rosaanote Maganoho noonsa baxillinna galati lexxanno gede kaaꞌla hasiissannonke.—Ro 14:7, 8.

TENNE ASSA DANDIINANNI GARA:

• Xiinxallissinanni wote, hasaabbinanni coyi Yihowa daafira maa kulannoro hasaabbe. Qullaawa Maxaafa barru baala nabbawanno gedenna ‘agurikkinni’ woy ganye Yihowa huucciꞌranno gede jawaachishisi.—1Te 5:17; Ya 4:8

• Rosaanchiꞌne isonooto Maganoho sayise aanna cuuama ayyaanaamittete mixosi assiꞌranno gede jawaachishshe. Qoleno, tenne mixosi wonshiꞌrate kaaꞌlannosire lawishshaho gambooshshu yannara hedosi coyiꞌranna qachisira woy loosu bayicho farciꞌra lawinore assanno gede kaaꞌlesi. Kayinni, Yihowa aye manchono isira soqqamanno gede giddeessannokkita qaagi. Meessaneeto Maganoho sayise aa banxe assineemmoreeti.—Mar 30:19, 20

• Rosaanchiꞌne Yihowa hagiirsiisatenna cuuamate ikkado ikkate biddi assiꞌra hasiissannosire biddi assiꞌranno gede jawaachishshe. (La 27:11) Qullaawu Maxaafi rosaanchihu mitu akatinna rosichi adhe lophinoha ikkanno daafira, akkala mannimma fushshe hoole haaro mannimma uddiꞌranno gede agurrikki kaaꞌla hasiissannoha ikkara dandaanno. (Ef 4:22-24) Agarooshshu Shaera fulannohu “Qullaawu Maxaafi Mannu Heeshsho Soorre Biddi Assanno” yaanno birxichi giddonni mito kullesi

• Yihowara soqqantine afidhinoonni hagiirre kullesi.—Is 48:17, 18