Qanchu Soqqanshoha Luphi Yiino Guma

Tayixeta 2015 Suwisaanote Soqqansho Rosi Mini rippoorte kulleemmoꞌne wote lowo geeshsha tashshi yaannonke. Woxawaajje, 2015nni lamalu katamira yaano Addisi Awawaho, Adaamaho, Alatta Wondo, Arbamincete, Jimmaho, Shaashamannetenna Sooddote 15 gaamo rosiinsoonni. Konni Rosi Minira xaphoomunni 465 suwisaano eꞌino. Insa giddo mito 176 ikkitannori konni albaanni konni Rosi Minira eꞌe fultinoreetinna woꞌnaalsha afidhinoreeti. Qoleno, Aliidi Bisi baxillunni assino qixxaawo garinni Beeteelete Maate Miilla giddonni mitu mite yite tayixe konni Rosi Minira eꞌino. Insa baalunku tenne haaro qixxaawo baasa naaddinota coyidhino. Kuni Rosi Mini, suwisaano ‘soqqanshonsa danchu garinni umo fushshitanno’ gede kaaꞌlannonsata dihuluullammeemmo.—2 Xim. 4:5.