‘Laꞌinanni Coyinni Ikkikkinni Ammanatenni Heedhe’

Yerusaalame dooyissinaranna gedensaanni diinge hunnara shiima yanna gatte heedheenna Hawaariya Phaawuloosi, Kiristaanu worba Kiristoosi wottaaddara ikkino daafira, qarru iillannonsata hede agaranno gedenna uminsa qiniitenna injo balaxisiissannokki gede sokka borreessinonsa. (2 Xim. 2:3, 4) Tenne maganiweelo alamera bao daa rakke noote tenne yannara, ayyaanaamittete coyi aana illachishate ammananke jawaata assiꞌra hasiissannonke. (2 Qor. 4:18; 5:7) ‘Laꞌinanni Coyinni Ikkikkinni Ammanatenni Heedhe’ yitanno viidiyo laꞌe. (jw.org/en aana, PUBLICATIONS > VIDEOS yaannohu hunda lai.) Nehaaminna Abixaali maalaamittete coye quwa sae baxansa woshshaado ikkitinonsa gara wodanche. Laꞌinihu gedensaanni aante noo xaꞌmuwa hasaabbe.

(1) Umi xibbi diro ‘qullaawa basera uurrinohu battete coyi’ maati? Yerusaalamete noo Kiristaani maa assate murciꞌre kaꞌꞌa hasiissinonsa? (Mat. 24:15, 16) (2) Katamu giddonni fule xooqate ammana hasiissannohu mayiraati? (3) Xooqate maa agura hasiissanno? (4) Nehaaminna Abixaali keeshshitanno gede assinonsari maati? (Mat. 24:17, 18) (5) Raaheeli Yerusaalame agurte fultanni heedheenna ammanase fonqolannohu tuncu yiinosehu wolu coyi maati? (Mat. 10:34-37; Marq. 10:29, 30) (6) Eetaani Yihowa ammanannotanna addaxxannota leellishshe dancha lawishsha ikkinohu hiittoonniiti? (7) Kiristaanaho Peela yinanni basera iillinonsa qarri maati? (8) Nehaaminna Abixaali ammana sunu sununni baꞌanni hadhinohu hiittoonniiti? (9) Yihowa Kiristaanu Peela yinanni basera heeꞌri yannara towaatinonsahu ma garinniiti? (Mat. 6:33; 1 Xim. 6:6-8) (10) Tenne busha alame goofimarchi daanno wote Abirahaaminna Saara lawishsha harunsa dandiineemmohu hiittoonniiti? (Ibi. 11:8-10) (11) Nehaaminna Abixaali agurte Yerusaalame higate insaneeto ammansiissinohu hiittoonniiti? Hatto assansa soꞌro ikkitinohu mayiraati? (Luq. 21:21) (12) Nehaaminna Abixaali Yerusaalame higgu wote hakko noo manni hiitto ikke no? (13) Tenne busha alame gumulo daggukkinni ammananke xaanni kaajjishiꞌra hasiissannonkehu mayiraati?—Luq. 17:31, 32; 21:34-36.

Ammanatenni heeꞌra yaa (1) Yihowa biddishsha addaxxa, (2) Isi biddishshi garinni heeꞌratenna, (3) maalaamittete coyinni roore ayyaanaamittete coye balaxisiinseemmota leellishate. ‘Tini alamenna yortose saꞌannotanna Maganu fajjo assannohu kayinni hegerera heeꞌrannota’ anfe ammanatenni heeꞌrate murciꞌno.—1 Yoh. 2:17.