Qanchu Soqqanshoha Luphi Yiino Guma
Dotteessa 3, 2015nni Itophiyaho Qaagooshshu Ayyaana ayirrisate 25,323 manni gamba yiinota kulleemmoꞌne wote tashshi yaannonke. Tayixe koyishshu woraqati gaxarete xeertiꞌre noo mannira nafa iillanno gede assinoonni; tini qolte lowohu hasatto noonsa manni ayyaana ayirrisate gamba yaanno gede assitinota afa lowo geeshsha hagiirsiissannote. Gedo yinanni katamira lamu baxxitino suwisaano koyishshu woraqata iillishsheenna Ayyaana ayirrisate 307 manni gamba yino. Hattono Hagersalaamete lamu baxxitino suwisaano koyishshu woraqata iillishsheenna 200 manni gamba yiino. Oomote wodiidoonni Maaji yinanniwa Qaagooshshu Ayyaana mite yine ayirrinsoonni; hakko gamba yiino manni kiiro 50 ikkitanno. Mitte 30 halashshaano noo songora qole ayyaana ayirrisate 327 manni gamba yiino. Tini albillitte lowo lopho heedhannota leellishshannote. Qoleno tini kiiro loonsannihu lowohu “Mootichu loosi” noota leellishshanno.—1 Qor. 15:58.