Qanchu Soqqanshoha Luphi Yiino Guma

Lemiina shoole bayicho assinoonnihu saihu qoqqowu gambooshshira xaphoomunni 16,609 manni gamba yiino, qoleno 293 manni cuuamino. Sai diro 2,026 woꞌma yanna suwisaano jawaatte soqqantino. Hattono dancha gede assine qixxeessinoonnita 200,000 saꞌanno tiraaktuwa mannaho elle dancha gede farciꞌnoommo. Qoleno qooxeessinkera haammata kume ikkanno manni jw.org yinanni webisayitenke barru baala daaꞌꞌatanno. Tenne widoonnino mannaho dancha gede farciꞌnanni heeꞌnoommo!

Wolu luphi yiinohu soqqanshote gumi kayinni Aliidi Bisi Miili Roduu Jefrii Jaakseni Sadaasa 13, 2014 Qullaawa Borrota Haaro Alame Tiro Amaaru Afiinni qixxeessinoonnita egensiisinota kulannoho. Tenne baxxitino pirogiraame 10,180 manni 59 basera heeꞌre silketenna interneetete widoonni macciishshino! Kuni Maxaafi, Qullaawa Maxaafa borreessiisinohu Yihowa ayirranno gede assannoho! Qoleno, kuni Maxaafi roduuwinkeranna hasatto noonsa mannira xiinxallate shotahonna isilanchoho, hattono nabbawate baxisannohonna loosoho kakkayisannoho!