Mimmito Danchu Loosira Diinaggaambe Kakkayinso

Ibiraawuyaani 10:24 “mimmito baxillehonna danchu loosira baqqi baqqi assineemmo gede” woy kakkayinseemmo gede kultannonke. Lawishsha ikkinenna ammananke leellishannore coyiꞌne roduuwanke kakkayisa dandiineemmo. Songote giddo noo roduuwira dancha temokkiroꞌne kullensa. Yihowara soqqantine afidhinoonni hagiirre affanno gede asse. Togoo wote kayinni kiꞌneneeto insa ledo woy wolootu ledo heewisiissinoonte. (Gal. 6:4) Noonke jawaante woloota baxillehonna danchu loosira kakkayisate ikkinnina insaneeto bushiishshe loossanno gede assate horoonsiꞌnoonke. (Soqqanshote Rosi Mine qool. 158, guf. 4 lai.) Woloota baxilleho kakkayinsummoro insa uminsa dancha looso loosate lawishshaho woloota maalaamittetenni kaaꞌlatenna sabbakate kaꞌꞌansa digattanno.—2 Qor. 1:24.