Egensiishsha

◼ Ellanni borro: Sadaasa: Tiraaktuwa woy Qullaawu Maxaafi Addinta Mayyee Rosiisanno? Arfaasanna Ammajje: Maganuwiinni Dayinoha Dancha Duduwo! woy Maganu Yaannore Macciishshi, woy Maganu Yaannore Macciishshite Hegerera Heeꞌri. (Maganu Yaannore Macciishshi yitanno biroshere horoonsiꞌneemmohu gari geeshsha woy horonta nabbawa dandiitannokkire kaaꞌlateeti. Qaaqquulle rosiisateno horoonsiꞌra dandiinanni.) Badheessa: Agarooshshu Shaenna Baqqi Yiiyye! yinanni metseetta.

◼ 2016nni Qaagooshshu Ayyaana ayirrinsannihu Roowe, Badheessa 23, 2016nniiti.

◼ Songuwa aganunnite umi Qidaamera Qullaawu Maxaafi xiinxallo jammarsiisate horoonsidhara assinoonni qixxaawo Arfaasa 1, 2015nni hanaffe diheedhanno. Halashshaano hakko barra wole Qidaamera assitannonte gede metseetta eltanno. Metseettano ikko wole xiinxallisate horoonsiꞌneemmo borronni aganu giddo aye yannarano Qullaawu Maxaafi xiinxallo jammarsiisa dandiineemmo.

◼ Lowo dirinni jammarre seenne adhitinokki roduuwa Soqqamaanote Qajeelshi Rosi Mine hadhe qajeeltanno gede Keeniya sonkanni keeshshinoommo. Tini Itophiyaho loonsanni heeꞌnoonnihu Maganu Mangiste loosira lowore kaaꞌlitino. Ikkollana, ikkadda ikkitinori lowo roduuwi qaale dandaa hooggino daafira Keeniya hadhe konne qajeelsha afiꞌra didandiitino. Xa kayinni Aliidi Bisi Maganu Mangiste Sawaakooti Rosi Mini (MSR) Addisi Ababaho faꞌnamanno gede fajjinota kulleemmoꞌne wote lowo geeshsha tashshi yaannonke. Konne rosu mine marraꞌnannihu Amaaru Afiinniiti. Konni rosu minira ikkanno hintsa sinu biiro hoowe giddo minnanni; kuni hintsi tayixehu soqqanshote diri jeefora miname goofeenna rosu mini hanafanno yine hendeemmo.