Qanchu Soqqanshoha Luphi Yiino Guma

Ammajje agani geeshsha baxxino zamachinkenni afiꞌnoommo gumi hagiirsiisannoho. Tonne babbaxxitino gobbanni 60 saꞌanno roduuwi konni zamachira ninke kaaꞌlate daggino daafira tashshi yiinonke. Tenne gobbari 500 saꞌanno roduuwino insa ledo kaaꞌlante 169 meddi yitanno killilera soqqantino. Kuri giddo mitu qooxeessira danchu duduwi mite yee iillinohu konni zamachi yannaraati. Konni garinni xaphoomunni 7,765 manna Qullaawa Maxaafa xiinxallisa dandiinoommo; tini kiiro Dotteessa 2013 kawa noote baalantenni roorete. Ballo hasatto noonsare faana gantine kaaꞌlensa, hattono rosaano assensa.