Qanchu Soqqanshoha Luphi Yiino Guma

Baxxinohu soqqanshote zamachinke Badheessu aganira gumulamino; konne zamacha fulinohu 365 ikkannohu meyanna labbaa roduuwi, albaanni sabbanke egenninoonnikkite woy saꞌne saꞌne calla sabbankoonnite 140 killilera soqqamino. Qoleno Badheessu aganira manna Qaagooshshu Ayyaanira koyinsoommo. Hatte taaera dancha gede farciꞌnoommo; qoleno 25,000 ikkanno manni konni ayyaanira gamba yiino. Tayixeha Qaagooshshu Ayyaana lamala gaamora mite yine ayirrinsoonni; kuri gaamo giddo 122 meddi yaanno manni gamba yiinowino no. Qoleno Badheessu aganira 3,239 halashshaano kaaꞌlaano suwisaano ikkite soqqantino. Xaphoomunni 5,424 ikkitanno halashshaano Badheessu aganira suwisaano ikkite soqqantino! Konni garinni diinaggaambe soqqamanke halashshaanote kiiro lexxite 9,607 ikkitanno gede assitino; hattono tenne yannara elloommo metseettanna galagalle marre hasaawinsoommo manni kiiro albinni roortino. Tini lowo geeshsha hagiirsiissannote! Konne hasatto noonsa manna Qullaawa Maxaafa xiinxallanno gede faana ganne kaaꞌlino.