Egensiishsha

◼ Ellanni borro: Dotteessa: Agarooshshu Shaenna Baqqi Yiiyye! yinanni metseetta. Manna galagaltine martine hasaawissinanni wote, Qullaawu Maxaafi Roso yinanni maxaafa woy manchu dandoo garinni, Maganu Yaannore Macciishshi woy Maganu Yaannore Macciishshite Hegerera Heeꞌri yitanno biroshere giddo mitte uyitinesi xiinxallo jammarsiisate woꞌnaalle. Onkoleessanna Ella: Aante noo tiraaktuwa ela dandiitinanni: Maatete Heeshshonni Hagiidha, Alame Gashshanni Noohu Ayeeti?, Qullaawu Maxaafi Yaannore Ammanatto Gede Assannoheri Maati?, woy Halaale Afa Hasiꞌratto? Coyishiishshinoonni manchi hasatto noosiha ikkiro, Qullaawu Maxaafi Roso yinanni maxaafa woy Maganu Yaannore Macciishshi woy Maganu Yaannore Macciishshite Hegerera Heeꞌri yitanno biroshere uyitine Qullaawu Maxaafi xiinxallo jammarsiisate woꞌnaalle. Maaja: Maganuwiinni Dayinoha Dancha Duduwo! woy wole birosherubba.

◼ Awuraajju gambooshshi heeꞌrannoꞌne saammintera albaanni heedhannota songote gambooshshi pirogiraameꞌne biddi assitine tenne Maganu Mangiste Soqqanshonkera shiqqino amaalenna qaagiishshi shiqanno gede asse. Awuraajju gambooshshiꞌne saihunni mittu woy lamu agani gedensaanni, halashshaano gambooshshunni afidhinota soqqanshote kaaꞌlitanno assaawe hasaawate Songote Hasiisannorira Horoonsidhe yitanno kifile horoonsiꞌra dandiitinanni.

◼ Wole gobba hadhinoonni widoonni awuraajju gambooshshe haꞌra hasidhiniro www.jw.org yinanni webisayitenke aana “About Us” yaanno gafi hunda “Conventions” yaannoha fantine mashalaqqe afiꞌra dandiitinanni.