Egensiishshu Saleeda Ganyitine Laꞌinanni?

Cimeeyye, songote soqqamaanonna songote giddo halaafinatu noonsari wolu roduuwi mayi noonsaro afate egensiishshu saleeda ganyite laꞌanno. Ikkollana songote giddo noo roduuwi baalunku egensiishshu saleedi aaninni hasiissanno mashalaqqe afidhanno. Mangistete Addaraashe feyate kiꞌne tari mamooteetiro afootto? Woradu aliidi laꞌꞌaanchi woy sinu biiro songoꞌnera sokkino dabdaabbe nookka? Qullaawa Maxaafa xiinxallisatto manchira kulte koyisate injaannohe gede tenne saammintera shiqqanno nigiggire mayitannotero afootto? Songote gambooshshi pirogiraame woy simirriitete gaamoꞌne ledo xaado afiꞌrinohu biddi assinoonni coyi nookka? Xaate togoo egensiishshi giddo roore gambooshshu yannara dikullanni; qoleno togoore mittu mittunku halashshaanchira kulate cimeeyyete injaa hoogansara dandaanno. Konni daafira, egensiishshu saleeda ganyine laꞌꞌa hasiissannonke. Haarote fulannore ganyine laꞌneemmoha ikkiro, baalunku coyi “garunninna amanyootunni” ikkanno.—1 Qor. 14:40.