“. . . Aganira Metseetta Ellanni Gara”

Soqqanshote Gambooshshinke yannara metseetta elleemmo gara kultanno kifile shiqqannoti egennantinote. Tini kifile shiqqannohu, metseetta mayi mayinnire kultannoro hasaawate diꞌꞌikkino. Shiqqannohu metseetta ela dandiineemmohu hiittoonniitiro hasaawateeti. Konni daafira biddishshu aana kullanninte gede, tenne kifile uyinanni rodii metseete naandanni gede assate lowo geeshsha harancho ikkitino assaawe coyiꞌre jammaranno. Aantete, mitto birxicho (woyi mitte assaawe xawissannota aante aantete fultino birxichuwa) bade kule, halashshaano assaawensa coyidhanno gede assanno, (hakkoye gudiro woleho saꞌꞌanno); togo assasi, baalunku hakkoye birxicho faꞌnite harunsitanno gedenna horoonsiꞌra hasidhanno assaawe borreessidhanno gede kaaꞌlitannonsa. Macciishshaano metseete ela dandiinanni gara gudisse mitteenni coyidhanno gede assantenni, umo mayitanno xaꞌmo xaꞌma dandiinanniro haammata halashshaano coyidhanno gede assanno; hiittee xiqise nabbawa dandiinanniro xaꞌmannohu hakkuyi gedensaanniiti. Jeefote, mitte mittenta metseete ela dandiinanni gara leellishshanno ikkito shiqqanno gede assanno. Metseetta balanxe nabbambummoronna assaawe coyiꞌrate qixxaambe haꞌnummoro lowonta danchaho. Baalunku seekkine qixxaambeemmoha ikkiro, tini kifile mimmito danchu garinni gamaxate kaaꞌlitannonke.—Law. 27:17.