Qanchu Soqqanshoha Luphi Yiino Guma

Saihu Badheessu agani yaano Meqedooniyu zamachi goofimarchu aganira lewu coyi albinni roore lexxino. 3,390 halashshaano kaaꞌlaano suwisaano ikkitino, woꞌma yanna suwisaano kiiro kayinni lexxite 1,654 ikkitino. Xaphoomunni xibbunni 57 anga ikkitanno halashshaano, woꞌma yanna soqqamaano ikkite soqqantino. Halashshaanote kiiro qolte kubbite 9,406 martino. Rippoorte assinoonni saate nirihu Dotteessu aganira rippoorte assinoonni saatenni xibbunni 3 anga lexxitino. Diinaggaabbinenna daafurtine soqqantinoonnihura lowo geeshsha galanteemmoꞌne. Elloommo metseetta kiirono hattonni lexxitino. Ammajje aganira elloommotenni nafa xibbunni 11 anga lexxtino! Haammata halashshaano doogo saꞌneemmo wote mannu uurrise metseete xaꞌmannonke yite rippoorte assitino. Tininna 130,000 wirro hinge xaꞌminanni heeꞌnoonni manninna 7,800 ikkannohu Qullaawa Maxaafa xiinxallanno manni, “dancha duduwo” macciishsha hasiꞌranno manni kiiro lexxitanni noota leellishshanno. Tini qolte suwino wodana afiꞌrino manna kaaꞌlate mabtenke kaffi assine laꞌneemmo gede assitannonke.