Qanchu Soqqanshoha Luphi Yiino Guma

Ammajje agani harancho ikkiro nafa kiꞌne sharro dancha guma abbitino. Konni aganira baadinni 409, baara widinni 16 halashshaano baxxino zamacha fultino. Halashshaanote kiiro lexxite 9,305 martino; woꞌma yanna suwisaano kiiro 1,639, Qullaawa Maxaafa xiinxallanno manni 7,593 ikkino. Qoleno elloommo metseetta kiiro lexxite niritenni xibbunni 37 anga aleenni ikkitino! Wolu hagiirsiisanno coyi, halashshaano galagalte hasaawissino manni kiiro niritenni xibbunni 19 anga lexxitino. Togo yaano, mittu halashshaanchi mereerimunni 5.7 ikkanno manna galagale hasaawisino yaate! Tennera lowonta galanteemmoꞌne! Xa qolle, Qaagooshshu Ayyaani woggara diinaggaambe soqqamme afiꞌneemmo guma laꞌꞌate quqquxamme heeꞌnoommo.