‘Cincitinannire Ikke’

1. Maganinke suꞌmisi

Ayirranno gede assanno;

Horo minshe nookkiha

Ikkarano hasiꞌranno.

Shaqqado Maganooti,

Lowo diro cincino.

Togo cince heeꞌrasi,

Dhaggete dandaasi.

Duuchunku gari manni

Gatara hedino isi.

Waaga afidhinote,

Mulla digattawo cincasi.

2. Doogosira heeꞌrate,

Cince saꞌꞌa kaaꞌlitanno.

Cinca hanqo hooltanno;

Gaꞌlabbicha assitanno.

Cinca rosino manchi,

Soꞌro mishe saꞌꞌanno.

Qarru iillisirono,

Hexxo dimudhanno.

Iimi Anninke gede,

Cincineemmore ikkino.

Isi ayirranno gede,

Lawishshasi harunsino.