Gafa 8 Bitima

Yihowa Selemoonira lowo hayyonna qullaawa mine minate qoosso uyinosiha ikkirono, isi kayinni sunu sununni Yihowawiinni xeertiꞌrino. Ooso iloottoha ikkiro, qaaqqikkira kaphu maganna magansidhannori Selemooni Maganuwiinni xeertiꞌranno gede assitino gara xawisse kuli. Israeelete gashshooti lamewa beehamino; busha mootoolla mannu kaadaasinenna kaphu maganna magansiꞌrannoha ikkanno gede assitino. Hatte yannara Yihowata batinye ammanantino masaalaano beebba assiꞌnoonni, hattono shinoonni. Mootitte Elzaabeeli aliyye gashshootira noo manna albinni roore kaadaasine ikkanno gede assitino. Hatti Israeelete xagge giddo tunsichu yannaati yaa dandiinanni. Ikkollana, hatte yannarano Israeelete giddo Yihowara ammanaminohu lowo manni no; insa giddo mitu Moote Iyyoosaafiixinna masaalaancho Eeliyaasiiti.